Curriculum Information

Nod y modiwl hwn yw rhoi dealltwriaeth i fyfyrwyr o sut mae gwahanol rannau o gymdeithas yn cael eu heffeithio gan y modd y caiff trosedd ei ddiffinio, ei blismona, yr eir i'r afael ag ef a sut mae deddfau'n cael eu gwneud a'u gorfodi. Gan archwilio ffactorau cymdeithasol allweddol, y mae rhai ohonynt wedi’u cynnwys o fewn y nodweddion gwarchodedig a nodir yn y Ddeddf Cydraddoldeb (2010), bydd y modiwl hwn yn archwilio sut y gall perthyn i grwpiau cymdeithasol penodol effeithio ar gyfranogiad mewn trosedd, troseddoli, ymyleiddio ac erledigaeth. Gan dynnu ar faterion cyfoes, ymchwil, polisi ac ymarfer ym maes cyfiawnder troseddol yn y DU a ledled y byd, bydd y ffactorau cymdeithasol a ganlyn a’u perthynas â throsedd a chyfiawnder yn cael eu harchwilio: oedran, anabledd, rhyw, hunaniaeth o ran rhywedd, hil/ethnigrwydd, crefydd a rhywioldeb. Bydd y modiwl yn archwilio ystod o faterion sy'n effeithio ar gydraddoldeb a'r system cyfiawnder troseddol gan wynebu'r tensiynau y mae gwahanol unigolion yn dod ar eu traws wrth ddod i gysylltiad ag ef. Bydd cysyniadau troseddoli ac erledigaeth a sut mae'r rhain yn ymwneud yn uniongyrchol â ffactorau cymdeithasol penodol yn cael eu cyflwyno. Bydd Troseddau Casineb a'r cyd-destunau gwleidyddol a chymdeithasol y mae hyn yn digwydd ynddynt hefyd yn cael eu harchwilio.