BA (Hons) with QTS Addysg Gychwynol Athrawon Cynradd gyda SAC

01 Sep 2019 - 31 Aug 2027

Course Leader Sallyann Seaward, Jon Moody
Course Team Judith Penny, Catrin Devonald, Viv West, Sharon Phillips, Rachel Ford, Sarah Cook, Wendy-Lee Jones, Gareth Watkins, Catrin Devonald
Awarding Body University of South Wales
Teaching Institutions University of South Wales
Modes of Study Full Time

Document Version

Version 1
Valid From 01 Sep 2019
Valid To 31 Aug 2027

QAA Benchmarks

N/A

Educational Aim

Prif nodau'r cwrs yw cefnogi athrawon dan hyfforddiant i:
• meithrin dealltwriaeth drylwyr o drefniadaeth a rheolaeth bresennol ysgolion yng Nghymru a'r haenau o atebolrwydd o fewn y system;
• deall materion allweddol sy'n effeithio ar addysg yn rhyngwladol, yn rhanbarthol ac yn lleol;
• deall hanes ac athroniaeth addysg yng Nghymru, gan gynnwys rôl tlodi a llesiant gwael, a'i effaith ar gwricwlwm, asesu a chymwysterau;
• deall rôl y Gymraeg mewn addysg Gymraeg a datblygu defnydd athrawon dan hyfforddiant eu hunain o'r Gymraeg fel sy'n briodol i ystod oedran ac iaith cyfrwng yr ysgolion y maent yn addysgu ynddynt;
• dysgu dulliau o gynllunio a datblygu cwricwlwm sy'n seiliedig ar ddibenion a sut mae hyn yn effeithio ar ddysgu;
• datblygu arbenigedd ym mhob Maes Dysgu a Phrofiad/disgyblaethau pwnc, i fodloni gofynion y 'Safonau Proffesiynol ar gyfer Addysgu ac Arweinyddiaeth' (Llywodraeth Cymru, 2017);
• gallu nodi'r gymuned ehangach o randdeiliaid sy'n gysylltiedig â dysgwyr ysgol, gan gynnwys rhieni a gofalwyr, a deall sut i ymgysylltu â hwy i sicrhau dilyniant dysgwyr;
• deall yr ystod lawn o ddarpariaethau statudol sy'n ymwneud â'r proffesiwn addysgu, gan gynnwys Deddf Cydraddoldeb 2010 a deddfwriaeth sy'n ymwneud ag Anghenion Dysgu Ychwanegol, a'i chymhwyso yn eu hymarfer eu hunain er mwyn sicrhau cydymffurfiaeth gyfreithiol;
• dysgu pa mor bwysig yw pob un o'r uchod wrth ddatblygu fel gweithwyr addysgu proffesiynol a sut y maent yn arwain at ddatblygu 'Gwybodaeth am Gynnwys Addysgeg' a 'gwybodaeth ymgorfforedig';
• dysgu sut i ddadansoddi ymchwil a phrofiadau ymarferol yn feirniadol i lunio dealltwriaeth werthusol o ddilyniant athrawon dan hyfforddiant fel gweithwyr proffesiynol ('meta-wybyddiaeth');
• dysgu sut i ymgymryd ag ymchwiliad athrawon a myfyrio beirniadol;
• datblygu ystod o sgiliau a thechnegau, wedi'u llywio gan ymchwil a myfyrio, i'w defnyddio yn yr ystafell ddosbarth;
• gallu cynllunio ar gyfer dilyniant disgyblion ac asesu disgyblion;
• deall y broses recriwtio a dethol yn y proffesiwn addysgu er mwyn sicrhau cyflogaeth fel Athro Newydd Gymhwyso.

Learning Outcomes

A1 Arddangos gwybodaeth bynciol (yn cynnwys arbenigedd pwnc) a dealltwriaeth o ystod o safbwyntiau ynglyn â sut mae plant yn dysgu ac yn gweithredu medrau addysgeg priodol i gefnogi dysgu.
A2 Arddangos gwybodaeth a dealltwriaeth o bwysigrwydd arweinyddiaeth a gallu arwain prosiectau, cydweithwyr ac ymholi gweithredol fel ffordd o godi safonau.
A3 Arddangos gwybodaeth a dealltwriaeth o bwysigrwydd gweithio cydweithredol ac ar y cyd.
B1 Gwerthuso ymchwil, damcaniaethau, egwyddorion, cysyniadau a gwybodaeth ffeithiol berthnasol mewn modd dadansoddol.
B2 Cyfosod, dadansoddi a gwerthuso gwybodaeth a data sy'n berthnasol i ystod o gyd-destunau.
B3 Hunanwerthuso a myfyrio'n fanwl ar ymarfer, a gosod targedau perthnasol ar gyfer gwella.
B4 Arddangos sgiliau sy'n gysylltiedig â myfyrio’n feirniadol drwy ddatrys problemau a gwneud penderfyniadau.
C1 Arddangos cyfrifoldeb am ddatblygiad parhaus drwy hunanfyfyrio, cynllunio gweithredol a dysgu proffesiynol.
C2 Defnyddio sgiliau i ddatblygu ystod o gymwyseddau dysgu ac addysgu yn yr ysgol wedi'u hategu gan egwyddorion addysgeg perthnasol er mwyn cyflawni Statws Athro Cymwysedig.
C3 Datblygu'r sgiliau sydd eu hangen i weithio fel rhan o dîm amlddisgyblaethol i fynd i'r afael ag agweddau megis ADY ac iechyd meddwl a llesiant.

Course Structure

Level 4 Modules

Module Code Module Id Module Title Module Status Credit Value Module Type
ED1D002W MOD011991C Astudiaethau pwnc 1A Running 40 core
ED1S035W MOD011986C Astudiaethau craidd 1 Running 20 core
ED1S036W MOD011989C Astudiaethau proffesiynol ac addysgegol 1 Running 20 core
ED1S037W MOD011992C Astudiaethau pwnc 1B Running 20 core
ED1S038W MOD011993C Dysgu a datblygiad proffesiynol (profiad ysgol) Running 20 core

Level 5 Modules

Module Code Module Id Module Title Module Status Credit Value Module Type
ED2D002W MOD011996 Astudiaethau pwnc 2A Running 40 core
ED2S073W MOD011994C Astudiaethau craidd 2 Running 20 core
ED2S074W MOD011995 Astudiaethau Proffesiynol ac Addysgegol 2 Running 20 core
ED2S075W MOD011997 Astudiaethau pwnc 2B Running 20 core
ED2S076W MOD011998 Dysgu a datblygiad proffesiynol (profiad ysgol) 2 Running 20 core

Level 6 Modules

Module Code Module Id Module Title Module Status Credit Value Module Type
ED3D002W MOD012001 Astudiaethau pwnc 3A Running 40 core
ED3S029W MOD011999C Astudiaethau craidd 3 Running 20 core
ED3S030W MOD012000C Astudiaethau proffesiynol ac addysgegol 3 Running 20 core
ED3S031W MOD012002C Astudiaethau pwnc 3B Running 20 core
ED3S032W MOD012003C Dysgu a datblygiad proffesiynol (profiad ysgol) 3 Running 20 core

Teaching and Assessment

Learning and Teaching Methods

Gweithredol/yn seiliedig ar EfelychuDatrys problemau a defnyddio Ystafelloedd Efelychu Hydra mewn parau a grwpiau o dri, ac mewn gweithgareddau arddull 'powlen pysgodyn aur' dan arweiniad tiwtor. Bydd y math hwn o ymarfer sgiliau yn safonol gan fod mewnbynnau yn ymarferol ac yn hyrwyddo dysgu drwy brofiad tra'n modelu addysgeg gynradd. Bydd yr oriau hyn hefyd yn adlewyrchu'r amser gweithredol y bydd yr athro dan hyfforddiant yn ei dreulio mewn ysgolion i brofi profiad realistig. Ni fydd yr amser hwn yn sesiynau ffurfiol a addysgir fel darlith. Yn hytrach, maent yn sesiynau trochi o fewn amgylchedd ysgol lle y gall yr athro dan hyfforddiant fod yn ymgymryd â nifer o wahanol weithgareddau a allai gynnwys arsylwi, addysgu tîm, cyd-gyflwyno, sesiynau a gefnogir gan fentor.DarlithoeddYn gyffredinol, ymgorfforir addysgu ar ffurf didactig i fewnbynnau rhyngweithiol (gan gyfuno deunydd gweithdy a steil darlithoedd) yn enwedig mewn modiwlau a gyflwynir yn rhannol mewn ysgol. Yma ac ym manylebau modiwlau, rhennir oriau'r sesiynau rhyngweithiol hynny rhwng 'darlithoedd', 'seminarau', 'gweithredol/yn seiliedig ar efelychu' a 'gweithdai' i ddisgrifio'r gweithgareddau dysgu ac addysgu.SeminarauMewn rhai modiwlau, cynhwysir gweithgaredd seminar mwy traddodiadol i wella datblygiad dealltwriaeth a sgiliau academaidd trwy drafodaeth strwythuredig.TiwtorialauCynigir tiwtorialau unigol/grwp. Bydd y rhain yn olrhain cynnydd modiwlau a chynnydd y cwrs. Bydd y Cofnod Ar-lein o Brofiad Ysgol (RoSE) hefyd yn olrhain perfformiad yn erbyn y Safonau Addysgu Proffesiynol. Ar gyfer modiwlau eraill, mae tiwtorialau ar gael ar gais.Gwaith grwpBydd gwaith grwp yn digwydd mewn amrywiol ffyrdd i gynnwys grwpiau astudiaethau achos; grwpiau datblygu personol, gweithgareddau gwneud penderfyniadau a datrys problemau, tasgau grwp a chyflwyniadau. Mae gwaith grwp yn digwydd drwy gydol y cwrs ac nid yw wedi cael ei wahanu gan ei fod wedi'i integreiddio'n gyfannol ym mhob gweithgaredd gan gynnwys darlithoedd a seminarau.Lleoliad SACCydblethir y lleoliad yn y flwyddyn gyntaf ag astudiaethau academaidd. Bydd myfyrwyr yn ymgymryd â dysgu proffesiynol dan oruchwyliaeth mewn lleoliadau, a nodwyd ar eu cyfer eu hunain gyda chymorth staff y cwrs. Golyga hyn hefyd weithredu Astudiaeth Gwersi a chynllunio, cyflwyno ac ymarfer myfyriol ar y cyd gyda staff academaidd ac athrawon i gynorthwyo datblygiad myfyrwyr.Gweler y Calendr Dysgu Proffesiynol ar gyfer strwythur.Gweithdai YmarferolBydd y gweithdai'n cynnwys ymarfer addysgu didactig ac ymarferion rhyngweithiol. Dyma fydd y dull mwyaf blaenllaw o ddysgu.Ymweliadau Allanol (gan gynnwys teithiau maes)Bydd ymweliadau addysgol yn digwydd drwy gydol y rhaglen tair blynedd i ganolbwyntio ar ddatblygiad personol ac ymarfer sgiliau estynedig.Dysgu Ar-leinBydd yr holl ddeunyddiau ar gael drwy'r VLE.Bydd cyfleoedd ar gael hefyd i fodelu arfer gorau sy'n gysylltiedig â chymhwysedd digidol.Astudiaeth GyfeiriedigDarllen cyfeiriedig (a ddarperir fel arfer drwy'r VLE; paratoi ar gyfer asesiadau ffurfiannol a chrynodol.)Astudiaeth AnnibynnolGweithgareddau darllen annibynnol a datblygu pellach yn ymwneud â lleoliad, modiwlau/pynciau penodol a datblygiad proffesiynol, y bydd rhywfaint o’r defnydd yn cael ei gyfeirio gan staff (yn enwedig ar Lefel 4). Gweithgaredd annibynnol tuag at gynnig ymchwil ym modiwl ymholi gweithredol yn Lefel 6.Astudio DramorDarperir cyfleoedd i unigolion ymgymryd â lleoliadau ysgol dramor os oes cyfleoedd addas ar gael.

Employer Engagement

Siaradwyr gwadd

Bydd siaradwyr gwadd o ysgolion partneriaeth arweiniol yn cael eu recriwtio i ddarparu mewnbynnau ar y campws ac mewn lleoliadau ysgol. Darperir mewnbwn gan ddarlithwyr eraill a delir fesul awr ac, yn achlysurol, gan siaradwyr gwadd eraill hefyd.

Gwirfoddoli

Fel arfer, ategir lleoliadau ysgol ym mhob blwyddyn gan ymweliadau gwirfoddol ychwanegol ag ysgolion.

Gwaith Maes

Gweithgareddau cyfoethogi mewn safleoedd addysgol fel Canolfan Gweithgareddau Gilwern.

Teithiau Maes

Cyfleoedd i ymgymryd â phrosiectau ymholi gweithredol mewn lleoliad rhyngwladol.

Lleoliadau Gwaith

Mae angen lleoliadau ysgol sefydledig ym mhob blwyddyn gan mai'r bwriad yw i'r cyrsiau hyn gael achrediad proffesiynol ac yn argymell y dyfarniad ar gyfer SAC.

Dysgu Seiliedig ar Waith

Cyfleoedd i gymryd rhan mewn dysgu a datblygiad proffesiynol mewn lleoliadau ysgol gan wneud defnydd o Astudiaeth Gwersi fel rhan o ymarfer sy'n seiliedig ar ymchwil.

Fforymau Cyflogwyr

Cynhelir fforwm ddwywaith y flwyddyn ar gyfer athrawon dan hyfforddiant sy’n cynnwys Cyngor y Gweithlu Addysg ac undebau athrawon cenedlaethol i drafod paratoi ar gyfer apwyntiadau cyntaf.

Arall

Mae pob aelod o'r tîm yn cydnabod pwysigrwydd iechyd a lles. Yn ogystal â chynnwys y cwrs, caiff y rhaglen Cymorth i Fyfyrwyr (SAP) ei chynnig hefyd ym mhob blwyddyn astudio.

Means of Assessment

Learning Support

Sefydlu

Bydd sefydlu yn digwydd yn unol â disgwyliadau'r Brifysgol a'r Gyfadran er mwyn cynorthwyo athrawon dan hyfforddiant i ddatblygu dealltwriaeth broffesiynol o gyfrifoldebau penodol sy'n ymwneud ag addysg athrawon.

Tiwtor Personol

Bydd myfyrwyr yn cael tiwtor personol a fydd yn rhan o'r staff addysgu craidd ar gyfer eu grwp blwyddyn a byddant yn cefnogi myfyrwyr drwy gydol y rhaglen AGA.

Oriau swyddfa

Bydd tiwtoriaid yn darparu amseroedd rheolaidd pan fyddan nhw ar gael i gysylltu â nhw, yn ogystal â gweithio'n agos gyda'r cohort yn y dosbarth.

Tiwtorialau

Cynhwysir tiwtorialau unwaith y tymor yn yr amserlen.

Seminarau

Defnyddir grwpiau llai o faint grwp seminar ar gyfer trafod prosiectau a gwaith datblygu personol.

Asesu Ffurfiannol

Ymgorfforir asesu ffurfiannol ym mhob modiwl ac fe’i defnyddir i gefnogi datblygiad sgiliau a gwybodaeth myfyrwyr.

Cyfarfodydd Cynnydd

Ymgorfforir cyfarfodydd cynnydd mewn tiwtorialau drwy linyn ymarfer integreiddiol y modiwlau.

Goruchwyliaeth Ymchwil

Neilltuir goruchwylwyr unigol i roi cymorth i bob myfyriwr ar gyfer elfen cynnig ymchwil modiwlau dysgu a datblygu proffesiynol.

Adnoddau Ar-lein

Bydd deunyddiau dysgu ar gael drwy'r VLE (Blackboard). Bydd gwybodaeth ar gael drwy’r VLE a gwneir cyhoeddiadau hefyd drwy'r VLE. Mae adnoddau ychwanegol ar gael i hyrwyddwyr digidol eu defnyddio mewn sesiynau yn y brifysgol ac ar leoliad ysgol i gefnogi staff academaidd a myfyrwyr.

Ardaloedd Cynghori

Mae ardal gynghori ar gael ar Gampws Dinas Casnewydd.
http://newportcitycampus.southwales.ac.uk/newport_advice_zone/

Gwasanaeth DDS

Mae hwn ar gael ar gampws Dinas Casnewydd.
https://thehub.southwales.

TG/Llyfrgell

Mae cymorth TG a chyfleusterau llyfrgell ar gael ar gampws Dinas Casnewydd.
http://studentit.southwales.ac.uk/

ac.uk/Interact/Pages/Section/SubFullOne.aspx?subsection=5628

Course Exit Points

Award Criteria Final
Bachelor of Arts (with Honours) 360 credyd y mae'n rhaid i o leiaf 100 ohonynt fod yn lefel 6 neu'n uwch, 120 ar lefel 5 neu uwch, 120 ar lefel 4 uchod BA (Anrh) Addysg Gychwynnol Athrawon Cynradd Final
Bachelor of Arts (with Honours) 360 credyd y mae'n rhaid i o leiaf 100 ohonynt fod yn lefel 6 neu'n uwch, 120 ar lefel 5 neu uwch, 120 ar lefel 4 uchod BA (Anrh) Astudiaethau Cynradd Final
Diploma of Higher Education 240 credyd y mae'n rhaid i o leiaf 100 ohonynt fod ar Lefel 5 neu uwch, 120 o gredydau ar Lefel 4 neu uwch a dim mwy nag 20 credyd ar Lefel 3. Diploma Addysg Uwch Astudiaethau Addysg Gynradd. Exit
Certificate of Higher Education 120 credyd y mae'n rhaid i o leiaf 100 ohonynt fod ar Lefel 4 neu uwch a dim mwy na 20 ar Lefel 3. Tystysgrif Addysg Uwch Astudiaethau Addysg Gynradd. Exit

Progression Route

Astudiaeth Lefel 7: MA mewn Arweinyddiaeth a Rheolaeth (Addysg) yn PDC

Entry Requirements

Admission to the course is typically through the following qualifications:

Er mwyn sicrhau bod gan yr ymgeisydd y ddawn, y gallu a'r gwydnwch i gwblhau'r cwrs ac ennill SAC, mae'r Bartneriaeth yn pennu'r gofynion mynediad academaidd er mwyn sicrhau bod yr ymgeisydd yn gallu cael mynediad llwyddiannus i'r cwrs.
Mae meini prawf mynediad yn manylu ar gynigion nodweddiadol, ond mae'r bartneriaeth yn ystyried pob cais ar sail unigol, sy'n golygu y gwneir cynigion ar sail cymwysterau, proffil personol a phrofiad, yn ogystal ag arddangosiad ymgeiswyr o'r gallu i ddatblygu cymwyseddau dechreuwyr Lefel uchel y mae eu hangen ar bob athro dan hyfforddiant ar ddechrau eu cwrs, ac sy'n cael eu profi yn y cyfweliad:

Deall a gweithio gyda gwybodaeth ac ymchwil sy'n seiliedig ar dystiolaeth (drwy feirniadu erthygl cyfnodolyn yn y cyfweliad);
Dealltwriaeth o agwedd a chapasiti dysgu'r ymgeisydd ei hun ar gyfer myfyrio beirniadol (a archwilir yn y cyfweliad);
Galluogi eraill i ddatblygu sgiliau a gwybodaeth (drwy addysgu sgìl i grwp bach yn y cyfweliad);
Ymwneud â gwahanol gynulleidfaoedd, gan gynnwys dysgwyr, cefnogwyr dysgu yn y Sefydliadau Addysg Uwch ac yn yr ysgol a rhanddeiliaid eraill (drwy gynnwys athrawon/arweinwyr ysgolion partner a dysgwyr yn y panel cyfweld a thrwy gyd-ddatblygu cwestiynau a ofynnir yn y cyfweliad a'r broses gyfweld).

Cyhoeddir tariffau mynediad safonol ar wefan PDC ac mae angen tariff UCAS o 112 o bwyntiau. Mae ar bob ymgeisydd hefyd angen o leiaf gradd B (neu gymhwyster cyfatebol) mewn Saesneg iaith a Mathemateg a gradd C/gradd 4 mewn gwyddoniaeth ar y pwynt mynediad ar unrhyw gwrs AGA. Mae cyfuniadau o gymwysterau yn dderbyniol a gall cymwysterau eraill nad ydynt wedi'u rhestru fod yn dderbyniol hefyd ac fe’u hystyrir fesul achos.

Mae angen gwiriad manylach gan y GDG a chofrestru gyda'r gwasanaeth diweddaru hefyd ar gyfer y rhaglen hon - anfonir y manylion at yr ymgeiswyr ar yr adeg briodol.
Cynnig Safon Uwch Nodweddiadol: BBC i ddiystyru Astudiaethau Cyffredinol
Cynnig Bagloriaeth Cymru Nodweddiadol - Gradd C a BB mewn Safon Uwch i ddiystyru Astudiaethau Cyffredinol
Cynnig BTEC Nodweddiadol - Cymhwyster Diploma Estynedig BTEC Teilyngdod
Cynnig Bagloriaeth Ryngwladol Nodweddiadol - 29 pwynt i gynnwys 16 pwynt ar Lefel Uwch.
Cynnig Nodweddiadol Mynediad i AU - Pasio gyda 60 o gredydau yn gyffredinol i gynnwys 45 credyd ar Lefel 3 sy'n cyfateb i 15 Rhagoriaeth, 21 Teilyngdod a 9 Pasio

Arall:
TGAU: Mae’r SAU yn gofyn am o leiaf 5 TGAU gan gynnwys Mathemateg a Saesneg Gradd B neu uwch (ar gyfer rhaglenni AGA) a Gradd C mewn Gwyddoniaeth.

Mae'r Gweithdrefnau Dethol yn cynnwys:

Cais

Mae'n ofynnol i ymgeiswyr ddangos yn eu cais:

Proffil TGAU addas a graddau wedi’u rhagfynegi priodol ar Lefel 3.
Sgiliau llythrennedd o ansawdd uchel, gan gynnwys Cymraeg, lle maent yn astudio drwy gyfrwng y Gymraeg.
Meddylfryd, gwerthoedd a chymhelliant priodol, fel y gwelir yn y datganiad personol.
Dealltwriaeth o'r sector addysg yn gyffredinol, fel y gwelir yn y datganiad personol.

Digwyddiad Dethol

Cynhelir y digwyddiad dethol ar y campws ond cynhelir y broses ddethol ar y cyd gan y SAU a phartneriaid ysgol. Mae'r digwyddiad yn cynnwys yr elfennau canlynol:

Deall a gweithio gyda gwybodaeth ac ymchwil sy'n seiliedig ar dystiolaeth (drwy drafod erthygl fer mewn cyfnodolyn a roddwyd cyn y cyfweliad)

Asesir gallu ymgeiswyr i ddeall a dysgu o wybodaeth ac ymchwil sy'n seiliedig ar dystiolaeth drwy drafod erthygl fer mewn cyfnodolyn.

Galluogi eraill i ddatblygu sgiliau a gwybodaeth (drwy gyflwyniad byr).

Prawf Llythrennedd a Rhifedd

Profir sgiliau llythrennedd a rhifedd ymgeiswyr drwy brawf ar-lein, a thrwy hynny hefyd profir sgiliau cymhwysedd digidol sylfaenol. 

Cyfweliad

Caiff pob ymgeisydd ei gyfweld gan banel sy'n cynnwys darlithydd mewn SAU a chynrychiolydd ysgol. Profir y cymwyseddau canlynol yn y cyfweliad:

Sgiliau rhyngbersonol priodol, gan gynnwys y gallu i uniaethu â chynulleidfa broffesiynol ac academaidd, Cymhelliant addas ar gyfer addysgu; Dealltwriaeth o rai neu bob un o'r ffactorau sy'n effeithio ar ddysgu; Dealltwriaeth o rôl y Gymraeg ac ymrwymiad i barhau i wella eu sgiliau iaith Gymraeg.

Iechyd a'r gallu corfforol i addysgu
Bydd pob ymgeisydd wedi bodloni gofynion y Safonau Iechyd Addysg cyn dechrau ar y rhaglen. Dilynir rhwymedigaethau statudol o dan y Ddeddf Cydraddoldeb (2010) a rhoddir addasiadau rhesymol ar waith i sicrhau na wahaniaethir yn erbyn ymgeiswyr yn y broses ymgeisio neu tra eu bod ar y rhaglen AGA. Mae aelodau staff yn bodloni'r gofynion statudol a osodir ar y sefydliad gan y PSED. Asesir iechyd a gallu corfforol ymgeiswyr i addysgu yn ystod y digwyddiad dethol hwn drwy drafodaeth yn yr elfen gyfweld o'r digwyddiad. Gellir asesu ffitrwydd i ymarfer athro dan hyfforddiant am nifer o resymau, er enghraifft problem yn ymwneud â chyffuriau/alcohol, troseddau ymddygiad troseddol neu ddisgyblu, afiechyd meddwl neu unrhyw gyflwr neu anhwylder a fyddai'n cael effaith andwyol ar berfformiad yr athro dan hyfforddiant. Mae'r Bartneriaeth yn ymfalchïo yn y seilwaith cymorth y mae'n ei ddarparu ar gyfer yr ymgeiswyr hynny y gallai fod angen gwneud addasiadau ar eu cyfer er mwyn iddynt allu cael mynediad i'r cyrsiau. Mae rhaglen ddatblygu drylwyr a pharhaus ar waith i sicrhau bod pob aelod o staff Sefydliadau Addysg Uwch ac ysgol yn gyfredol ar sail y rhwymedigaethau statudol o dan Ddeddf Cydraddoldeb 2010 a'r gofynion statudol a osodir ar y sefydliad yn ei gyfanrwydd gan Ddyletswydd Cydraddoldeb y Sector Cyhoeddus (PSED).

Yn ogystal â'r cymwysterau ffurfiol, fel arfer mae angen profiad gwaith gyda phlant mewn lleoliad addysgol. Gall hyn fod, er enghraifft, yn waith amser llawn neu ran-amser gyda thâl neu waith gwirfoddol mewn lleoliad addysgol.
Dylai'r profiad gwaith gyfateb i o leiaf deg diwrnod a rhaid ei gwblhau fel arfer cyn cyflwyno cais. Bydd gofyn i'r myfyriwr egluro sut y mae wedi bodloni'r gofyniad hwn yn ei ddatganiad personol. Efallai y gofynnir i'r ymgeisydd gyflwyno tystlythyr ychwanegol yn ymwneud â'i brofiad gwaith, gan gadarnhau ei fod wedi cwblhau'r deg diwrnod gofynnol mewn lleoliad addysgol.

Gwiriad manylach gan y gwasanaeth datgelu a gwahardd (DBS) ar y rhestr gweithlu plant a gwahardd plant a'r tanysgrifiad i wasanaeth diweddaru'r DBS. (Yr hyn sy'n ofynnol dramor ar gyfer ymgeiswyr nad ydynt yn y DU)

Inclusive Curriculum Statement

The University of South Wales operates a policy of inclusive learning, teaching and assessment to ensure that all students have an equal opportunity to fulfil their educational potential. Course teams will have considered ways of designing out any potentially disadvantageous element of courses during the course design process. However some specific needs may remain, details about how to apply to have your needs assessed can be found at: http://unilife.southwales.ac.uk/pages/3040-disability-and-dyslexia-service/

Addendum for Delivery at a Partner Institution

N/A

Methods Of Quality Standards

N/A

Quality Of Standards Indicators

N/A